На 9.7.2025 година во просториите на Економски институт-Скопје се одржа предавањето на тема: Critical Thinking and Academic Writing in the Times of AI. Настанот го отвори директорката на Економски институт-Скопје, проф. д-р Искра Станчева-Гигов, а предавањето го одржа Dr. Ștefana Maria DIMA, професор на Институтот за напредни истражувања за животна средина (ICAM), Западен универзитет во Тимишоара, Романија. Покрај нејзиното предавање, свое излагање на тема: Real-World Business English: Challenges and Choices for Non-Native Speakers, имаше и Dr. Iulia PARA, вонреден професор на Економскиот факултет и факултетот за бизнис администрација, Западен универзитет во Тимишоара, Романија.
На настанот беа поканети и земаа учество студентите и алумните на Економски институт-Скопје, а целта беше да се поттикне дијалог помеѓу различните генерации на студенти и академски професионалци за влијанијата, ризиците, но и можностите кои ги носи вештачката интелигенција во академскиот, истражувачкиот и работниот контекст. Со присуството на алумните, се овозможи споделување на искуства, размена на знаења, унапредување на квалитетот на наставата и учењето и создавање на поквалитетна академска средина.
