Финансиски менаџмент (нова студиска програма)

Насоката финансиски менаџмент е наменета за сите оние чија определба е менаџирање со компании, сектори, административно раководење во јавниот сектор, работа во банки, финансиски сектори, финансиски консалтинг, инвестициски консалтинг и сл.

На оваа насока се изучуваат 3 клучни (задолжителни) предмети и тоа:

Менаџерско сметководство – кое опфаќа финансии за менаџмент, наменето за сите оние кои работат во комерцијалните сектори касе де калкулираат цени, количини за пордажба, таргетирање на профит, определување на количини за производство и продажба во зависност од капацитетите и стратегиите на компаниите. Дел од овој предмет е изготвување на интегралн бизнис план и планирање на буџетите на компаниите.

Инвестиционен менаџмент кој опфаќа планирање на инвестициите и инвестиционо одлочување зависно од клучните индикатори на успешност, рентабилност и период на повраток. Моделирање на дисконтирани готовински текови и определување на дисконтен фактор за пресметување на сегашната вредност на инвестициите.

Меѓународен финансиски менаџмент ги изучува меѓународните плаќања, феноменот на глобализација, механизмите за определување на девизните курсеви и финансиските пазари.

Насоката е поволна за сите струки бидејќи содржи програми за стекнување на квалификации за финансиски менаџери кои можат да бидат лица од различни профили.